أسهل طريقة لتحضير الحريرة مغربية سلطانة المائدة الرمضانية بطريقة سريعة

أسهل طريقة لتحضير الحريرة مغربية سلطانة المائدة الرمضانية بطريقة سريعة
نتمنى تعجبكم 😊

#المكونات:
4ماطيشات - كاس حمص فازگ- 1/2 كاس عدس- بصلة- ربطة القزبور و الكرافس مخلطين مغسولين و مقطعين - 1/2 كاس شعرية- طريفات لحم مقطعين رقااق - معلقة صغيرة ملح- معلقة صغيرة خرقوم-معلقة صغيرة اسكينجبير-معلقة صغيرة البزار-1/4 كاس دالزيت البلدية و الرومية مخلطين- 4معالق كبار ديال الطحين- 3 معالق كبار ديال ماطيشة المركزة

#الطريقة:
كانصلقو ماطيشة و كانطحنوها فالماء ديالها مع البصلة، كانطحنو القسبور و المعدنوس مع الماء و كانخليو شوية فشي زلافة. كانديرو جميع المكونات فالكوكوط و كانضيفو 2لتر ماء و كانسدو عليها سااعة. ملي كانفتحو عليها إلا كان خاصها الماء كانزيدوها شوية و كانخليوها تغلي، كانضيفو الشعرية. كانخليوها تغلي، كانخلطو الطحين مع الماء في قرعة زجاجية و كاندورو بيه الحريرة ، كانخلطو ماطيشة المركزة مع الربيع لي خلينا و كانضيفوهوم مع لوخرين و كانخلطو الكل و كانبقاو نحركو و ها الحريرة ديالنا واجدة و بالصحة و الراحة
ماتنساوش الاعجاب ولايك للصفحة و التعليق و المشاركة مع أصدقائكم
بارطاجيها تلقايها عندك وقت الحاجة